Helga María Þórarinsdóttir
Laugardaginn 5. júní sl. bauð skólanefnd Akureyrarbæjar til uppskeruhátíðar í Listasafninu í fyrsta skipti, þar sem veittar voru viðurkenningar fyrir framúrskarandi árangur, starf, áhuga og vilja. Helga María Þórarinsdóttir leikskólakennari fékk viðurkenningu fyrir fyrirmyndar leiðtogahæfni í leikskólastarfi.

Lesa meira

Endurmenntunanámskeið Jafnréttisstofu
Forsenda markvissrar jafnréttisfræðslu og jafnréttisstarfs í skólum eru vel menntaðir kennarar á sviði jafnréttis og kynjafræði. Á síðasta skólaári bauð Jafnréttisstofa upp á fyrirlestra og námskeið í skólum með það að markmiði að efla kynjafræðilegan grunn kennara og skapa umræðu í skólunum um jafnréttismál. Áfram verður haldið næsta skólaár og í ágúst mun Jafnréttisstofa standa fyrir dagsnámskeiði í Reykjavík, Kópavogi og á Akureyri og í október verður hálfsdagsnámskeið í Garðabæ.

Lesa meira

Guðný Guðbjörnsdóttir
Guðný Guðbjörnsdóttir, prófessor við Menntavísindasvið HÍ segir að styðja þurfi „kennara í kennaramenntuninni, aðra kennara og skólastjórnendur í að útfæra ákvæði 23. greinar jafnréttislaga sem segir að á öllum skólastigum skulu nemendur hljóta fræðslu um jafnréttismál þar sem m.a. skal lögð áhersla á að búa bæði kynin undir jafna þátttöku í samfélaginu, svo sem í fjölskyldu- og atvinnulífi.” Guðný telur einnig mikilvægt að fjallað sé „markvisst um jafnrétti, kynferði og skólastarf bæði í skyldu- og valnámskeiðum og í sem flestum námsgreinum í 5 ára kennaramenntun.“

Lesa meira

Jafnréttisfræðsla hefur fest sig í sessi í fjórða og áttunda bekk
Hörðuvallaskóli tók þátt í þróunarverkefninu, Jafnréttisfræðsla í leik- og grunnskólum skólaárið 2008-2009. Upphaflega átti verkefnið að snúa að heildrænni námsráðgjafaáætlun með áherslu á eflingu náms- og starfsvitundar nemenda. En eins og oft gerist með þróunarverkefni þá breyttist áherslan og í staðinn var unnið með jafnréttisfræðslu í 8. bekk og sjónræna náms- og starfsfræðslu og jafnréttisfræðslu í bland í 4. bekk. Íris Arnardóttir náms- og starfsráðgjafi skólans bar hitann og þungann af verkefninu sem nú er orðið hluti af skólastarfinu í Hörðuvallaskóla.

Lesa meira

Úttekt á kennslubókum í sögu
Hvaða mynd fá sænskir nemendur af körlum og konum í gegnum kennslubækur í sögu? Ann-Sofie Ohlander, prófessor leitaði svara við þessari spurningu og eru niðurstöðurnar sláandi. Hún skoðaði hlutfall og hlutverk kynjanna í kennslubókunum og komst að því að myndin sem blasir við nemendum er mjög brengluð. Bækurnar fjalla að mestu um karla, þeir eru í aðalhlutverki en konur í aukahlutverkum eða þeirra er getið sem innskot í annan texta. En hvaða áhrif hefur svona kennsluefni á sjálfsmynd nemenda og þekkingu?

Lesa meira

Höfundur: Íris Arnardóttir
Eru fjöllin blá? Áhugaverð bók fyrir unga heimspekinga á aldrinum fjögurra til tíu ára. Í bókinni eru 10 stuttar siðferðisklípusögur sem snúa að heimi barna, upplifun þeirra á daglegu lífi og tilfinningum. Höfundur bókarinnar, Íris Arnardóttir, fékk Hvatningarviðurkenningu Kópavogsbæjar í maí 2010 fyrir vinnu sína að jafnréttisfræðslu í Hörðuvallaskóla. Á þessu ári koma út eftir hana tvær bækur, Eru fjöllin blá? og Huxarinn, sem báðar byggja á reynslu hennar við jafnréttisfræðslu. Íris er menntaður leikskólakennari og náms- og starfsráðgjafi og hefur unnið með börnum í mörg ár.

Lesa meira

DV 28. maí 2010
Nemendum í unglingadeild Auðarskóla var skipt upp eftir kynjum á námskeiðum sem skólinn hélt í vikunni. Strákarnir lærðu um Eve Online-tölvuleikinn en stúlkur voru sendar á snyrtinámskeið, auk þess sem sálfræðingur hélt fyrirlestur um ótímabæra þungun.

Lesa meira

Hörður Svavarsson bloggar á eyjan.is
Þegar ég var aðstoðarskólastjóri í leikskólanum Múlaborg hafði ég umsjón með þátttöku skólans í verkefninu Jafnréttisfræðsla í leik- og grunnskólum. Við vinnu okkar í verkefninu komumst við að því að kynbundið náms- og starfsval hindrar einstaklinga í að takast á við það nám og starf sem þeir hafa áhuga á og hæfileika til. Það getur leitt til þess að allar leiðir eru ekki íhugaðar og sumar leiðir eru fyrirfram útilokaðar því þær eru ekki taldar hæfa viðkomandi kyni og þetta hefur í för með sér að kynið verður afgerandi þáttur í vali á menntun og störfum frekar en hæfileikar og langanir.

Lesa meira

23. gr. jafnréttislaganna, menntun og skólastarf
Jafnréttisstofa hefur undanfarið verið að kanna hvort og þá hvernig 23. gr. laga um jafna stöðu og jafnan rétt kvenna og karla; menntun og skólastarf er framfylgt í grunnskólum landsins. Í byrjun var kallað eftir upplýsingum er snúa að náms- og starfsfræðslu en í 23. greininni segir meðal annars að í náms- og starfsfræðslu og við ráðgjöf í skólum skuli piltar og stúlkur óháð kyni hljóta fræðslu og ráðgjöf í tengslum við sömu störf. Af svörum skólanna má ráða að þeir eru misjafnlega meðvitaðir um þessa lagagrein.

Lesa meira

Hagstofa Íslands hefur tekið saman tölur um starfsfólk í leikskólum í desember 2009 og gefið út hefti í ritröðinni Hagtíðindi. Þegar litið er á kynjahlutfall starfsmanna í leikskólum eru konur í miklum meirihluta. Af öllum starfsmönnum leikskóla eru 222 karlmenn eða 4% starfsmanna og
eru í 4% stöðugilda.


Lesa meira