Um leik- og grunnskóla Hjallastefnunnar
Hjallastefnan er heiti á nýrri leið í leik- og grunnskólastarfi sem Margrét Pála Ólafsdóttir skólastjóri hefur þróað ásamt samstarfsfólki sínu um 20 ára skeið. Stefnan felur m.a. í sér óvenjulegt jafnréttisstarf með kynjaskiptum nemendahópum, kennslu án hefðbundinna leik- eða kennslutækja og án hefðbundinna kennslubóka en þess í stað er eingöngu notast við skapandi efnivið með óbundinni útkomu. Nú eru 14 leikskólar á Íslandi auk nokkurra leikskóla í Noregi og Svíþjóð sem kenna sig við Hjallastefnuna og nýjasti Hjallastefnuskólinn er Barnaskóli Hjallastefnunnar sem er fyrsti skólinn sinnar tegundar á grunnskólastigi. Nefna má að áhugi fyrir möguleikum kynjaskipts skólastarfs er nú vaxandi á Vesturlöndum og t.d. hefur ríkisskólum í Bandaríkjunum sem nota kynjaskiptingu sem aðferð fjölgað úr fjórum í 149 á síðustu átta árum (sjá heimasíðu Amerískra samtaka um kynjaskipt skólastarf http://www.singlesexschools.org)

Lesa meira